October
27
Աշուն
Աշուն
Համո Սահյան
Աշնան օրեր
Աշնան օրերն են հասել,
Իջել է ամպը սարին,
Եվ հրաժեշտ է ասել,
Կռունկը մեր աշխարհին:
Սիրուն արագիլ
Բարդին էլ չի սոսափում
Արագիլի թևի տակ,
Դեղին թերթեր է թափում
Առվակի մեջ կապուտակ:
Չորացած տանձենին
Կարմիր խարույկ է կարծես
Ծեր տանձենին անտառի,
Թվում է, թե մոտ վազես,
Ձեռք ու ոտքդ կվառի…
Ուժեղ քամին
Քամին շատ էր թափառել,
Պարապ-սարապ թևը կախ,
Բայց արդեն գործ է ճարել,
Տեսեք ինչքան է ուրախ:
Հարցեր և առաջադրանքներ
- Նշի՛ր քեզ դուր եկած քառատողը և նկարի՛ր:
- Վերնագրեր մտածի՛ր յուրաքանչյուր քառատողի համար:
- Բանաստեղծության մեջ ինչպիսի՞ն էին թերթերը, առվակը, խարույկը, տանձենին:
Թերթերը դեղին էին, առվակը կապուտակ էր, խարույկը կարմիր էր, տանձենին ծեր էր։
- Պատմի՛ր աշնան մասին՝ օգտագործելով բանաստեղծության բառերն ու արտահայտությունները:
Աշունը եկավ։ Ծառերի տերևները դեղնեցին ու սկսեցին թափվել։Թռչունները չվեցին տաք երկրներ։ Եղանակը ցրտեց։ Բոլորը երեխաները հավաքում են գունավոր տերևներ։ Կապուտակ առվակը ծածկվեց կարմի ու դեղին տերևներով։
- Քամին ի՞նչ գործ է ճարել, որ այդքան ուրախ է:
Քամին խաղում է տերևների հետ։